இங்கிலாந்தின் முன்னாள் பிரதமர் போரிஸ் ஜான்சன் தனது நாடாளுமன்ற உறுப்பினர் பதவியை ராஜினாமா செய்துள்ளார்.
கரோனா பெருந்தொற்று உச்சத்தில் இருந்த சமயத்தில், விதிகளை மீறி அப்போது இங்கிலாந்து பிரதமராக இருந்த போரிஸ் ஜான்சனின் அதிகாரபூர்வ இல்லமான 10, டவுனிங் தெரு வீட்டில் பிறந்தநாள் நிகழ்ச்சி கொண்டாடப்பட்டது. இந்நிகழ்வு பெரும் சர்ச்சைக்குள்ளானது. இதையடுத்து நாடாளுமன்றத்தில் தனது செயலுக்கு பிரதமர் போரிஸ் ஜான்சன் மன்னிப்பு கேட்டுக் கொண்டார். “கரோனா விதிகளை மதிக்கும் லட்சக்கணக்கான பிரிட்டன் மக்களுக்கு என் செயல் எப்படி இருக்கும் என்று என்னால் உணர முடிகிறது. இந்த அவை மூலமாக அவர்களிடம் மன்னிப்பு கேட்கிறேன்” என்று போரிஸ் தெரிவித்தார்.
பின்னர் இது தொடர்பாக விசாரிக்க குழு அமைக்கப்பட்டது. இந்த குழு தற்போது அறிக்கை சமர்ப்பித்துள்ளது. போரிஸ் ஜான்சன் நாடாளுமன்றத்தை தவறாக வழிநடத்தியது கண்டிக்கத்தக்கது. இதனால் 10 நாட்கள் வரை அவரை நாடாளுமன்ற உறுப்பினர் பதவியில் இருந்து ராஜினாமா செய்ய அக்குழு பரிந்துரை செய்திருந்தது. இதையடுத்து அவரே தனது எம்பி பதவியை ராஜினாமா செய்வதாக அறிவித்துள்ளார்.
