தைவானின் முன்னணி சிப் உற்பத்தி நிறுவனமான ஃபாக்ஸ்கான், இந்தியாவில் எச்.சி.எல் குழுமத்துடன் இணைந்து செமி கண்டக்டர் தொழில்நுட்பத்தில் புதிய முதலீடு செய்ய உள்ளது. இந்த கூட்டு முயற்சியில், ஃபாக்ஸ்கான் சுமார் ₹312 கோடியை ஏற்கனவே முதலீடு செய்துள்ளது, மேலும் கூடுதலாக ₹424 கோடி வரை முதலீடு செய்ய உள்ளதாக தெரிவித்துள்ளது.
இந்தியாவில் ஃபாக்ஸ்கான் நிறுவனம் ஏற்கனவே $1.4 பில்லியன் அளவுக்கு முதலீடு செய்துள்ளது. இங்கு சுமார் 48,000 பேர் வேலை செய்கின்றனர். தற்போது கர்நாடகாவில் ஒரு பெரிய உற்பத்தி ஆலையை நிறுவவும், மின்சார வாகனங்கள் மற்றும் பேட்டரிகள் தயாரிக்கும் தொழிற்சாலையை அமைக்கவும் திட்டமிட்டுள்ளது. இந்த புதிய முதலீடுகளின் மூலம் 50,000 பேருக்கு வேலைவாய்ப்பு கிடைக்கும் என எதிர்பார்க்கப்படுகிறது.
