ஹுருன் நிறுவனம் 2024 ஆம் ஆண்டுக்கான இந்திய பணக்காரர்கள் பட்டியலை வெளியிட்டுள்ளது. இந்த பட்டியலில் கௌதம் அதானி, ரூ. 11.6 லட்சம் கோடி சொத்து மதிப்புடன் முதலிடத்தைப் பிடித்துள்ளார். இதன் மூலம், முகேஷ் அம்பானியை முந்தியுள்ளார். மேலும், ரூ. 15.44 லட்சம் கோடி மதிப்புள்ள அதானி குடும்பம், அதிக செயல்பாட்டுடன் உள்ள இரண்டாம் தலைமுறை தலைவர்களை கொண்ட குடும்ப நிறுவனமாக உள்ளது.
ஹுருன் அறிக்கையில் வெளியான தகவல்களின் படி, இந்தியாவில் 5 நாட்களுக்கு ஒரு புதிய பில்லியனர் உருவாகிறார். பில்லியனர்களின் எண்ணிக்கை 29% அதிகரித்து 334 ஆகியுள்ளது. அதே சமயம், சீனாவில், பில்லியனர்களின் எண்ணிக்கை 25% குறைந்துள்ளது. அம்பானி குடும்பம் ரூ. 25.75 லட்சம் கோடி சொத்து மதிப்புடன், ‘மதிப்புமிக்க குடும்ப நிறுவன’மாக தொடர்கிறது. அதைத் தொடர்ந்து, பஜாஜ் குடும்பம் (ரூ. 7.13 லட்சம் கோடி) மற்றும் பிர்லா குடும்பம் (ரூ. 5.39 லட்சம் கோடி) ஆகியவை உள்ளன.
