தங்கம் மற்றும் வெள்ளி விலை தொடர்ந்து குறைவு

கடந்த சில நாட்களாக தங்கம் மற்றும் வெள்ளி தொடர்ந்து குறைந்து வருகிறது.

கடந்த சில நாட்களாக தங்கத்தின் விலை குறைந்து வரும் நிலையில், சென்னையில் நேற்று முன்தினம் ஒரு கிராம் தங்கம் ரூ.7,275-க்கும், ஒரு சவரன் ரூ.58,200-க்கும் விற்பனையாகியது. இந்நிலையில், தங்கம் விலை கடந்த நாளை விட மேலும் குறைந்துள்ளது. அதன்படி நேற்றைய விலையை ஒப்பிடும்போது, கிராமுக்கு ரூ.55 குறைந்து ரூ.7,220-க்கும், சவரனுக்கு ரூ.440 குறைந்து ரூ.57,760-க்கும் தங்கம் விற்பனையாகிறது. தங்கம் விலைக்கான இவ்வாறான சரிவு, வெள்ளி விலையிலும் மாற்றங்களை ஏற்படுத்தியுள்ளது.
அந்த வகையில், நேற்றைய நிலவரத்தில் வெள்ளி விலை, முந்தைய நாளை விட கிராமுக்கு ரூ.1 குறைந்து ரூ.102-க்கும், கிலோவுக்கு ரூ.1,000 குறைந்து ரூ.1 லட்சத்து 2 ஆயிரத்துக்கும் விற்பனையாகிறது.இன்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.1080 குறைந்து ரூ.56,680-க்கு விற்பனை செய்யப்படுகிறது. கிராமுக்கு தங்கத்தின் விலை ரூ.135 குறைந்து ரூ.7,085-க்கு விற்பனை செய்யப்படுகிறது. அதே போல் வெள்ளி விலையும் கிராமுக்கு ரூ.2 குறைந்து கிராம் ரூ.100-க்கு விற்பனையாகிறது.