தங்கம் விலை மீண்டும் உயர்வு

தங்கம் விலை தொடர்ந்து உயர்ந்து தற்போது ஒரு சவரனுக்கு ரூ.64, 520க்கு விற்பனை செய்யப்படுகிறது.

தங்கம் விலை கடந்த சில நாட்களாக ஏற்றத்தையும் இறக்கத்தையும் கண்டுள்ளது. இந்த மாதத்தின் தொடக்கத்தில், தங்கம் விலை சவரனுக்கு ரூ.160 குறைந்து, ஒரு சவரன் ரூ.63,520-க்கு விற்பனையானது. பின்னர், கடந்த இரண்டு நாட்களாக விலை மாறாமல் நிலைத்திருந்தது. ஆனால் நேற்று, தங்கம் விலை சவரனுக்கு ரூ.560 உயர்ந்து, ஒரு சவரன் ரூ.64,080-க்கு விற்பனையானது.

இன்று, தங்கம் விலை மேலும் உயர்ந்துள்ளது. கிராமுக்கு 55 ரூபாய் உயர்ந்து, ஒரு கிராம் ரூ.8,065-க்கு, சவரனுக்கு 440 ரூபாய் உயர்ந்து, ஒரு சவரன் ரூ.64,520-க்கு விற்பனை செய்யப்படுகிறது.

வெள்ளி விலையில் மாற்றம் இல்லை. ஒரு கிராம் வெள்ளி ரூ.107-க்கும், பார் வெள்ளி ரூ.1,07,000-க்கும் விற்பனை செய்யப்படுகிறது.