துபாயில் இருந்து சென்னைக்கு கால்பாதத்தில் மறைத்து கடத்திய தங்கம் பறிமுதல்

துபாயில் இருந்து சென்னைக்கு கால் பாதத்தில் மறைத்து கடத்தப்பட்ட 1 கிலோ 340 கிராம் தங்கத்தை சுங்கத்துறை அதிகாரிகள் பறிமுதல் செய்தனர்.

சென்னை விமான நிலையத்துக்கு வெளிநாடுகளில் இருந்து பெரும் அளவில் தங்கம் கடத்தி வரப்படுவதாக சுங்க அதிகாரிகளுக்கு தகவல் கிடைத்தது. இதையடுத்து பயணிகளை சுங்கத்துறை அதிகாரிகள் தீவிரமாக கண்காணித்தனர்.

அப்போது துபாயில் இருந்து சென்னை வந்த வாலிபரிடம் விசாரித்தனர். மேலும் சந்தேகித்து அவரை சோதித்த போது தங்கத்தை பேஸ்ட் போல் மாற்றி அதை கறுப்பு நிற பாலித்தீன் பையில் மறைத்து கால் பாதத்தில் பேஸ்ட் போட்டு ஒட்டி அதன் மேல் சாக்சை அணிந்தி௫ந்தது தெரியவந்தது. அதன்மதிப்பு ரூ.66 லட்சத்து 82 ஆயிரம் மதிப்புள்ள 1 கிலோ 340 கிராம் என அதிகாரிகள் தெரிவித்தனர்.