ரஷ்யா - தரவுகளை சேமிக்காததால் கூகுள் நிறுவனத்துக்கு 164000 டாலர்கள் அபராதம்

ரஷ்யாவில் கூகுள் நிறுவனத்துக்கு 15 மில்லியன் ரூபிள்கள், அதாவது 164000 டாலர்கள் அபராதம் விதிக்கப்பட்டுள்ளது.
ரஷ்யா, வெளிநாட்டு தொழில்நுட்ப நிறுவனங்களுடன் தொடர்ந்து சர்ச்சையில் ஈடுபட்டு வருகிறது. தகவல் பரிமாற்றம், தகவல் கருத்து போன்ற பல்வேறு காரணங்களுக்காக சர்ச்சைகள் தொடர்ந்து வருகின்றன. குறிப்பாக, கூகுள் நிறுவனம், ரஷ்யா கூறிய சட்டவிரோத தகவல்களை நீக்காமல் விட்டதால், ரஷ்ய அரசின் அழுத்தத்தை சந்தித்து வருகிறது. மேலும், ரஷ்ய ஊடகங்களுக்கு யூடியூப் தளத்தில் அனுமதி மறுக்கப்பட்டதால், கூகுள் மீதான எதிர்ப்பு அதிகரித்துள்ளது. இந்த நிலையில், ரஷ்ய பயனர்களின் தரவுகளை ரஷ்யாவுக்குள் உள்ள சர்வர்களில் சேமிக்காதது சட்டவிரோதமாக அறிவிக்கப்பட்டுள்ளது. இதன் காரணமாக கூகுள் நிறுவனத்திற்கு அபராதம் விதிக்கப்பட்டுள்ளது.