பன்முக இந்தியா மற்றும் கலாச்சார பாரம்பரியத்தை பிரதிபலிக்கும் கலைப் படைப்பு கொண்ட சிறப்பு டூடுலை கூகுள் நிறுவனம் வெளியிட்டுள்ளது.
இந்தியாவின் 76வது குடியரசு தினத்தை முன்னிட்டு, கூகுள் தனது வழக்கமான சிறப்பு டூடுலை வெளியிட்டுள்ளது. இந்த டூடுலில், இந்தியாவின் பன்முகத்தன்மையையும், கலாச்சார பாரம்பரியத்தையும் பிரதிபலிக்கும் பல்வேறு விலங்குகள், பறவைகள் மற்றும் ஆடைகள் காட்சி அளிக்கின்றன. லடாக்கி உடையில் பனிச்சிறுத்து, வேட்டி-குர்தா அணிந்த 'புலி' உள்ளிட்டது இதில் இடம்பெற்றுள்ளன.
இந்த டூடுல், சர்ரியலிசம் கலை இயக்கத்தின் கூறுகளை கொண்ட வண்ணமயமான கலைப்படைப்பாக வடிவமைக்கப்பட்டுள்ளது. கூகுளின் ஆறு எழுத்துக்களும் 'வனவிலங்கு அணிவகுப்பு' தோற்றத்தை அளிக்கின்றன.இந்த ஓவியம், புனேவின் கலைஞர் ரோஹன் தஹோத்ரேவின் கையால் உருவாக்கப்பட்டது. கூகுள் அதன் விளக்கத்தில், "இந்த டூடுல் இந்தியாவின் 76வது குடியரசு தினத்தை கொண்டாடுகிறது, இது தேசிய பெருமையும் ஒற்றுமையையும் குறிக்கும் நாள்" என்று குறிப்பிட்டுள்ளது.
