ஈரோடு கிழக்கு தொகுதியில் இடைத்தேர்தலுக்கான அரசு விடுமுறை பிப்ரவரி 5 ஆம் தேதி அறிவிக்கப்பட்டுள்ளது.
ஈரோடு கிழக்கு தொகுதியில் அடுத்த மாதம் 5-ந்தேதி நடைபெறும் இடைத்தேர்தலுக்கான வேட்பு மனுத் தாக்கல் மற்றும் பரிசீலனை முடிவடைந்துள்ள நிலையில், தற்போது 46 வேட்பாளர்கள் போட்டியிடுகின்றனர். இதில் திமுக, நாம் தமிழர் கட்சி, சுயேட்சை கட்சிகள் தங்களது வேட்பாளர்களை ஆதரித்து தீவிர பிரசாரத்தில் ஈடுபட்டு வருகின்றனர். தேர்தல் களம் தற்போது சூடு பிடித்து, அனைத்து கட்சிகளும் தங்களின் ஆதரவுகளை பெறுமாறு பரப்புரைகள் நடத்தி வருகின்றன. இந்த இடைத்தேர்தலில் முழு வாக்கு சதவீதம் பயன் பெற வேண்டும் என்று எதிர்பார்க்கப்பட்டுள்ளதால், வாக்குப்பதிவு நாளான 5-ந்தேதிக்கு அரசு விடுமுறை அளித்து அரசாணை வெளியிடப்பட்டுள்ளது.
