நடப்பு நிதியாண்டில் இதுவரை 9.87 லட்சம் கோடி ரூபாய் மதிப்பில் நேரடி வரி வசூல் பதிவாகியுள்ளதாக தெரிவிக்கப்பட்டுள்ளது. செப்டம்பர் 16ஆம் தேதி நிலவரப்படி, இந்த பணம் வசூல் செய்யப்பட்டுள்ளதாக மத்திய நிதி அமைச்சகம் தெரிவித்துள்ளது. மேலும், இது வருடாந்திர அடிப்படையில் 18.29% உயர்வு என கூறியுள்ளது.
வசூல் செய்யப்பட்டுள்ள நேரடி வரியில் திருப்பி செலுத்தப்படுபவை 8.65 லட்சம் கோடி ஆகும். இது முந்தைய ஆண்டை விட 23.51% உயர்வாகும். வசூலிக்கப்பட்ட மொத்த நேரடி வரியில், கார்ப்பரேட் வரி 416217 கோடி ரூபாய் அளவிலும், தனிநபர் வரி 447291 கோடி அளவிலும் சொல்லப்பட்டுள்ளது. திருப்பி செலுத்தப்பட்ட வரியை கழித்து இந்த தொகை கூறப்பட்டுள்ளது குறிப்பிடத்தக்கது.
