எச்.டி.எப்.சி வங்கியில் சேவை பராமரிப்பால் யுபிஐ மற்றும் பிற சேவைகள் நவம்பர் 5 மற்றும் 23-ம் தேதிகளில் செயல்படாது என அறிவிக்கப்பட்டுள்ளது.
எச்.டி.எப்.சி வங்கி, அதன் சேவை பராமரிப்பு பணிகளுக்காக வாடிக்கையாளர்களுக்கு முக்கிய அறிவிப்பு வெளியிட்டுள்ளது. அதில் வங்கி சார்பில், நவம்பர் 5 மற்றும் 23-ம் தேதிகளில் நண்பகல் 12 மணி முதல் 2 மணி வரை யுபிஐ மற்றும் பிற பணப்பரிவர்த்தனை சேவைகள் இயங்காது என தெரிவிக்கப்பட்டுள்ளது. இந்த பராமரிப்புப் பணிகள் நடைபெறும் நேரத்தில் வங்கியின் ரூபே கிரெடிட் கார்டுகள், மொபைல் பேங்கிங், ஜி பே, பேடிஎம், மொபிக்கிவிக் உள்ளிட்ட சேவைகள் பாதிக்கப்பட்டிருக்கும். இந்த பராமரிப்பு பணிகளில் வங்கியின் பிற இணையதள சேவைகளும் முடங்க வாய்ப்பு உள்ளது.
