கடந்த ஜூலை மாதம் முதல் தற்போது வரை, இந்தியாவின் முக்கிய 7 நகரங்களில், வீடுகள் விற்பனை 36% உயர்ந்துள்ளதாக, அனரோக் மதிப்பீட்டு நிறுவனம் தெரிவித்துள்ளது. சென்னை, கொல்கத்தா, ஹைதராபாத், பெங்களூர், டெல்லி என் சி ஆர், மும்பை, புனே ஆகிய 7 நகரங்களில், கிட்டத்தட்ட 1.2 லட்சம் எண்ணிக்கையில் வீடுகள் விற்பனை பதிவாகியுள்ளது. இது முந்தைய ஆண்டில், கிட்டத்தட்ட 88000 அளவில் இருந்தது குறிப்பிடத்தக்கது. நகரங்களின் வரிசையில், புனே நகரில் 63%, டெல்லி என் சி ஆர் 6%, மும்பை 46%, பெங்களூரு 29%, சென்னை 42%, ஹைதராபாத் 41%, கொல்கத்தா 7% என்ற விகிதத்தில் வீடுகள் விற்பனை உயர்ந்துள்ளது. எண்ணிக்கை அடிப்படையில் முறையே, 22885, 15865, 38500, 16395, 4940, 16375, 5320 வீடுகள் மேற்குறிப்பிட்ட நகரங்களில் விற்கப்பட்டுள்ளன.
