டிசம்பர் மாத சிறந்த வீரர்,வீராங்கனை பட்டியலில் பும்ரா, கம்மின்ஸ், பீட்டர்சன் மற்றும் ஸ்மிருதி மந்தனா, லபா, சதர்லெண்ட் ஆகியோருக்கு பரிந்துரைகள் அறிவிக்கப்பட்டுள்ளது.
ஐ.சி.சி. ஒவ்வொரு மாதமும் சிறந்த வீரர் மற்றும் வீராங்கனையை தேர்வு செய்து அவற்றை கவுரவிக்கும் பணி செய்து வருகிறது. அதன்படி, கடந்த ஆண்டு டிசம்பர் மாதத்திற்கு சிறந்த வீரர் மற்றும் வீராங்கனையை தேர்வு செய்ய 3 வீரர் மற்றும் 3 வீராங்கனைகளுக்கு பரிந்துரைகள் அறிவிக்கப்பட்டுள்ளன.
சிறந்த வீரர்களுக்கான பரிந்துரையில் இந்திய வேகப்பந்து வீச்சாளர் ஜஸ்பிரித் பும்ரா, ஆஸ்திரேலிய வீரர் பேட் கம்மின்ஸ், மற்றும் தென் ஆப்பிரிக்க வீரர் டேன் பீட்டர்சன் ஆகியோர் இடம் பெற்றுள்ளனர்.
சிறந்த வீராங்கனைகள் பரிந்துரையில், இந்திய வீராங்கனை ஸ்மிருதி மந்தனா, தென் ஆப்பிரிக்க வீராங்கனை நோன்குலுலேகோ லபா, மற்றும் ஆஸ்திரேலிய வீராங்கனை அன்னபெல் சதர்லெண்ட் ஆகியோர் பெயரிடப்பட்டுள்ளனர்.
