அமெரிக்காவில் கார் விபத்தில் ஆந்திராவின் குண்டூர் மாவட்டத்தைச் சேர்ந்த மாணவி பலியானார்.
ஆந்திராவின் குண்டூர் மாவட்டத்தைச் சேர்ந்த தொழிலதிபர் கணேஷ் - ரமாதேவி ஜோடியின் மகள், 26 வயதான நாக ஸ்ரீ வந்தனா பரிமளா. இவர் 2022ம் ஆண்டு உயர் படிப்பிற்காக அமெரிக்காவின் டென்னசி மாகாணத்தின் மெம்பிஸ் நகரில் உள்ள பல்கலையில் சென்றார். படிப்பு முடிவிற்கு பிறகு அங்கு பணியாற்ற திட்டமிட்டிருந்த அவர், கடந்த வாரம் நண்பர்களுடன் காரில் சென்ற போது, டிரைவரின் கட்டுப்பாட்டை இழந்த கார் வேகமாக சென்று மற்றொரு கார் மீது மோதி விபத்துக்குள்ளானது. இதில், பரிமளா சம்பவ இடத்திலேயே உயிரிழந்தார். இரு நண்பர்கள், பவன் மற்றும் நிகித், படுகாயங்களுடன் மருத்துவமனையில் சேர்க்கப்பட்டனர். அவர்களின் நிலை கவலைக்கிடமாக இருப்பதாக டாக்டர்கள் தெரிவித்துள்ளனர். இந்த சம்பவம் குறித்து போலீசார் விசாரணை நடத்தி வருகின்றனர்.
