செப்டம்பர் 2024ல் இந்தியாவின் ஜிஎஸ்டி வசூல் கணிசமான அளவு அதிகரித்துள்ளது. கடந்த ஆண்டின் இதே காலத்துடன் ஒப்பிடுகையில், இந்த மாதத்தில் ஜிஎஸ்டி வசூல் 6.5% உயர்ந்து ₹1.73 லட்சம் கோடியாக பதிவாகியுள்ளது.
கடந்த செப்டம்பரில் உள்நாட்டு வருவாய் 5.9% அதிகரித்துள்ளது. இறக்குமதி வருவாயும் 8% அதிகரித்து, மொத்தம் ₹45,390 கோடியாக உள்ளது. வணிகர்கள் மற்றும் நிறுவனங்களுக்கு திருப்பிச் செலுத்தப்பட்ட ஜிஎஸ்டி தொகையும் 31% அதிகரித்து, ₹20,458 கோடியாக உள்ளது. வல்லுனர்கள், வரவிருக்கும் பண்டிகை காலங்களில் ஜிஎஸ்டி வசூல் மேலும் அதிகரிக்கும் என்று எதிர்பார்க்கின்றனர். மேலும், ஏப்ரல் முதல் செப்டம்பர் வரையிலான மொத்த ஜிஎஸ்டி வசூல் ₹10.87 லட்சம் கோடியைத் தாண்டியுள்ளது. இது கடந்த ஆண்டின் இதே காலத்துடன் ஒப்பிடுகையில் 9.5% அதிகமாகும்.
