சென்னை மாநகராட்சி, புதிய இனக்கட்டுப்பாட்டு மையங்களில் 27,000 நாய்களுக்கு கருத்தடை அறுவை சிகிச்சை செய்யப்பட உள்ளன.
சென்னை மாநகராட்சி, தெரு நாய்கள் கட்டுப்பாட்டுக்காக பல்வேறு நடவடிக்கைகளை மேற்கொண்டு வருகிறது. 65 நாய்களுக்கு தினமும் கருத்தடை அறுவை சிகிச்சை அளிக்கப்படுகிறது, மேலும் கடந்த ஆண்டு 19,640 நாய்கள் பிடிக்கப்பட்டு 14,885 நாய்களுக்கு கருத்தடை சிகிச்சை அளிக்கப்பட்டுள்ளது. சமீபத்தில் மேற்கொள்ளப்பட்ட கணக்கெடுப்பில், சென்னை மாநகராட்சி பகுதியில் 1.8 லட்சம் தெரு நாய்கள் இருப்பதாக தெரியவந்தது. இதனைத் தொடர்ந்து, புதிய இனக்கட்டுப்பாட்டு மையங்கள் லாயிட்ஸ் காலனி, கண்ணம்மாப்பேட்டை மற்றும் புளியந்தோப்பில் அமைக்கப்பட்டுள்ளன. இவை சிங்கார சென்னை 2.0 திட்டத்தின் கீழ் அமைக்கப்பட்டுள்ளன, மேலும் அங்கு 9,000 நாய்களுக்கு ஆண்டுதோறும் கருத்தடை சிகிச்சை வழங்கப்படும்.
