கூகுள் நிறுவனத்தின் வருடாந்திர மாநாடு நடைபெற்றுக் கொண்டிருக்கிறது. இந்த மாநாட்டில், கூகுள் நிறுவனத்தின் சார்பில் பல புதிய அறிவிப்புகள் வெளியிடப்பட்டுள்ளன. அதில் பாம் 2 பற்றிய அறிவிப்பு கவனத்தை ஈர்த்துள்ளது.
பாம் 2 என்பது மனிதர்கள் கணினியுடன் உரையாடும் வகையிலான புதிய தொழில்நுட்பம் ஆகும். இதில், தொடு உணர்ச்சி உள்ளிட்ட பல்வேறு உரையாடல் அம்சங்களை அனுபவிக்க முடியும் என சொல்லப்பட்டுள்ளது. மேலும், ஏற்கனவே அறிவிக்கப்பட்டிருந்த பாம் திட்டத்தின் நீட்சியாக இந்த பாம் 2 இருக்கும் என சொல்லப்பட்டுள்ளது. வன்பொருள் மற்றும் மென்பொருள் ஆகியவற்றின் கூட்டமைப்பில் இந்த தொழில்நுட்பம் உருவாக்கப்பட்டு வருவதாக மாநாட்டில் அறிவிக்கப்பட்டுள்ளது.
வீடியோ கால் அழைப்புகளில், பாம் 2 புதிய புரட்சியை ஏற்படுத்தும் என்று கூகுள் நிறுவனத்தின் தலைமை செயல் அதிகாரி சுந்தர் பிச்சை தெரிவித்துள்ளார். இதன் மூலம், வேறு ஒரு இடத்தில் வசித்தாலும், மற்றொரு சூழலில் நிஜமாக வசிப்பது போன்ற உணர்வை ஏற்படுத்த முடியும் என்று கூறியுள்ளார். எனவே, எதிர்காலத்திற்கான தொழில்நுட்பமாக இது அமைந்துள்ளது. இந்த அறிவிப்பு சர்வதேச கவனத்தை ஈர்த்துள்ளது.
