பொதுப் பாதுகாப்பு மற்றும் நிர்வாகத் தேவையினை முன்னிட்டு, தமிழக அரசு முக்கிய மாற்றங்களை அறிவித்துள்ளது.
தமிழகம் முழுவதும் 18 ஐ.பி.எஸ். அதிகாரிகளுக்கு பணியிட மாற்றம் செய்யப்பட்டுள்ளது. இதோடு 3 அதிகாரிகளுக்கு பதவி உயர்வும் வழங்கப்பட்டுள்ளது. இதில், சென்னை தலைமையக டிஐஜி மகேஷ்குமார் கடலோர பாதுகாப்பு குழுமத்துக்குப் போகிறார். நாகை எஸ்.பி. அருண் கபிலன் சென்னை தலைமையகத்தில் இணைக்கப்பட்டுள்ளார். விழுப்புர சரக டிஐஜி திஷா மிட்டல், சென்னை மேற்கு மண்டல இணை ஆணையராக நியமிக்கப்படுகிறார். தேனி, குளச்சல், நாங்குநேரி ஏஎஸ்பிக்களுக்கு பதவி உயர்வு கிடைத்துள்ளது. இந்த மாற்றங்கள், காவல்துறை செயல்திறனை மேம்படுத்தும் நோக்கத்தில் மேற்கொள்ளப்பட்டதாக அரசுத் தரப்பில் தெரிவிக்கப்பட்டுள்ளது.
