கடந்த 10 நாட்களாக ஈரானும் இஸ்ரேலும் இடைவிடாத தாக்குதல்களில் ஈடுபட்டு வருகின்றன. ஒருவருக்கொருவர் ஏவுகணைகள், டிரோன்கள் மூலம் தாக்கி வருகிறார்கள். இந்நிலையில், இஸ்ரேலுக்கு ஆதரவாக அமெரிக்கா நேரடியாக களத்தில் இறங்கியுள்ளது.
அமெரிக்க ராணுவம் ஈரானின் ஃபோர்டோ, இஸ்ஃபஹான் மற்றும் நடான்ஸ் ஆகிய மூன்று முக்கிய அணுசக்தி மையங்களை தாக்கியுள்ளது. இதனால், இருநாடுகளுக்கு இடையிலான பதட்டம் உச்சத்தை எட்டியுள்ளது. அமெரிக்க தாக்குதலில் அனைத்து அணுசக்தி தளங்களும் அழிந்துவிட்டதாக முன்னாள் அதிபர் டொனால்டு டிரம்ப் கூறியுள்ளார்.இதற்குப் பதிலளித்த ஈரானின் உச்சபட்ச தலைவர் அலி காமேனி, “இஸ்ரேல் பெரிய தவறு செய்துள்ளது. அந்த தவறுக்கு தண்டனை தொடரும்,” என எச்சரித்துள்ளார். எனினும், அமெரிக்கா குறித்து நேரடி விமர்சனம் எதையும் அவர் வெளியிடவில்லை என்பது குறிப்பிடத்தக்கது. இந்த மோதல்கள் தொடர்ந்து அதிகரிக்கும்போது, மத்திய கிழக்கு மட்டுமல்லாது, உலக அரசியல் நிலைக்கும் தீவிர தாக்கம் ஏற்படும் சூழ்நிலை உருவாகியுள்ளது.
