கருணாநிதி நூற்றாண்டு 100 ரூபாய் நாணய வெளியீட்டு விழாவில் மத்திய பாதுகாப்புத்துறை மந்திரி ராஜ்நாத்சிங் நாணயத்தை வெளியிட்டார்
சென்னையில் உள்ள கலைவாணர் அரங்கில், கருணாநிதியின் நூற்றாண்டு நினைவாக 100 ரூபாய் நாணய வெளியீட்டு விழா நேற்று மாலை நடைபெற்றது. மத்திய பாதுகாப்புத்துறை மந்திரி ராஜ்நாத்சிங் சிறப்பு விருந்தினராகக் கலந்து கொண்டு நாணயத்தை வெளியிட்டார். விழாவிற்கு முதல்வர் மு.க.ஸ்டாலின் தலைமை தாங்கினார். துரைமுருகன் முன்னிலையில், எம்.பி.க்கள், அமைச்சர்கள், எம்.எல்.ஏ.க்கள், மற்றும் முக்கிய பிரமுகர்கள் பங்கேற்றனர். தமிழ் நாட்டு காங்கிரஸ் தலைவர் செல்வப்பெருந்தகை, ம.தி.மு.க. பொதுச் செயலாளர் வைகோ, விடுதலைச் சிறுத்தைகள் கட்சி தலைவர் தொல்.திருமாவளவன், பா.ஜ.க. தலைவர் அண்ணாமலை உள்ளிட்டவர்கள் விழாவில் கலந்து கொண்டனர். ராஜ்நாத்சிங், மெரினா கருணாநிதி நினைவிடத்துக்கு சென்று அஞ்சலி செலுத்தினார்.
