எண்பதுகளில் இந்திய வாகனச் சந்தையை ஆண்ட லூனா வாகனம், மீண்டும் நவீன அம்சங்களுடன் வெளியாகிறது. வரும் பிப்ரவரி 7ஆம் தேதி, கைனடிக் லூனா வாகனம் மின்சார வாகனமாக இந்திய சந்தையில் அறிமுகம் ஆகிறது. கடந்த ஜனவரி 26ம் தேதி வாகனத்திற்கான முன்பதிவு தொடங்கிய நிலையில், தற்போது விற்பனை தொடங்கப்படவுள்ளது.
புதிதாக வெளியாக உள்ள மின்சார லூனா வாகனம், மணிக்கு 50 கிலோமீட்டர் வேகத்தில் பயணிக்கும் என தெரிவிக்கப்பட்டுள்ளது. ஒரு முறை சார்ஜ் செய்தால், 110 கிலோ மீட்டர் வரை செல்லலாம் என தெரிவிக்கப்பட்டுள்ளது. இந்த வாகனத்தின் எக்ஸ் ஷோரூம் விலை 70000 ரூபாயாக இருக்கும் என கூறப்படுகிறது.
