எல்ஐசி நிறுவனத்தின் சொத்து மதிப்பு இந்தியாவின் அண்டை நாடுகளின் பொருளாதாரத்தை விட அதிகமாக உயர்ந்துள்ளது.
எல்ஐசி நிறுவனம் வெளியிட்டுள்ள அறிக்கையின் படி, நிறுவனத்தின் சொத்து மதிப்பு 51.21 லட்சம் கோடி ஆகும். அதே சமயத்தில், சர்வதேச நாணய நிதியம் அளித்த தகவலின் படி பாகிஸ்தானின் பொருளாதார மதிப்பு 28.2 லட்சம் கோடி ஆகும். மேலும், இலங்கை மற்றும் நேபாளம் ஆகிய நாடுகளின் பொருளாதார மதிப்பு முறையே 6.2 லட்சம் கோடி மற்றும் 3.68 லட்சம் கோடி ஆகும். அதன்படி, இந்தியாவின் 3 அண்டை நாடுகளின் ஒட்டுமொத்த பொருளாதார மதிப்பை விட எல்ஐசி நிறுவனத்தின் சொத்து மதிப்பு அதிகமாகும். இது மட்டுமின்றி, பின்லாந்து, டென்மார்க், ஹாங்காங், சிங்கப்பூர் போன்ற வளர்ந்த நாடுகளின் மொத்த ஜிடிபி யை விட எல்ஐசி நிர்வாகிகளுக்கும் நிதியின் அளவு உயர்வாகும். இந்தியாவின் ஆயுள் காப்பீட்டு துறையில் 59% பங்களிப்புடன் எல்ஐசி முதலிடத்தில் உள்ளது. மேலும், மருத்துவ காப்பீட்டு துறையிலும் களமிறங்க உள்ளதாக அறிவித்துள்ளது.
