கன்னியாகுமரியில் திருவள்ளுவர் சிலையின் 25வது ஆண்டு வெள்ளி விழா நிகழ்ச்சிகள் இன்று முதல் தொடங்கப்பட்டுள்ளது.
கன்னியாகுமரி கடலின் நடுவே அமைந்துள்ள பாறை ஒன்றில், உலகுக்கு பொதுமறையான திருக்குறளை தந்த திருவள்ளுவர் சிலையை நிறுவி 25 ஆண்டுகள் ஆவதையொட்டி நாளை (திங்கட்கிழமை) முதல் 3 நாட்கள் தமிழக அரசு சார்பில் வெள்ளி விழா கொண்டாட முடிவு செய்யப்பட்டது. ஆனால், இந்நிகழ்ச்சிகள் 2 நாட்களாக குறைக்கப்பட்டுள்ளது. இதன் காரணமாக, டிசம்பர் 31ம் தேதி நடைபெற இருந்த கலை நிகழ்ச்சிகள், மன்மோகன் சிங் மறைவையொட்டி ரத்து செய்யப்பட்டுள்ளன. இதனால், ஜனவரி 1ம் தேதி நடைபெற இருந்த நிகழ்ச்சிகள் அனைத்தும் டிசம்பர் 31ம் தேதி நடைபெறும் என கூறப்பட்டுள்ளது.
இதன் பின்னணியில், சென்னையில் 15 இடங்களில் நேரடி ஒளிபரப்பிற்கான ஏற்பாடுகளை சென்னை மாநகராட்சி செய்துள்ளது. டிசம்பர் 30ம் தேதி மாலை 5 மணிக்கு தொடங்கும் நிகழ்ச்சி மற்றும் டிசம்பர் 31ம் தேதி காலை 9.30 மணிக்கு நடைபெறும் நிகழ்ச்சிகள் நேரடியாக ஒளிபரப்பப்படும் என தகவல் வெளியாகியுள்ளது.
