இந்தியாவின் முன்னணி வாகனத் தயாரிப்பு நிறுவனமான மஹிந்திரா, தனது நான்காம் காலாண்டு நிதிநிலை அறிக்கையை வெளியிட்டுள்ளது. அதன்படி, மஹிந்திரா நிறுவனத்தின் ஒருங்கிணைந்த நிகர லாபம் 18% உயர்ந்து 2637 கோடியாக பதிவு செய்யப்பட்டுள்ளது. அதே வேளையில், நிறுவனத்தின் வருவாய் 25934 கோடியில் இருந்து 32366 கோடியாக உயர்ந்துள்ளது.
மஹிந்திரா நிறுவனத்தின், 2023 ஆம் நிதியாண்டுக்கான மொத்த நிதிநிலை அறிக்கை வெளியிடப்பட்டுள்ளது. அதன்படி, கடந்த நிதி ஆண்டில், நிறுவனத்தின் நிகர லாபம் 10282 கோடியாக பதிவு செய்யப்பட்டுள்ளது. இதுவே, 2022 ஆம் நிதி ஆண்டில் 6577 கோடியாக இருந்தது குறிப்பிடத்தக்கது. எனவே, வருடாந்திர அடிப்படையில், லாபத்தில் 56% உயர்வு பதிவு செய்யப்பட்டுள்ளது. அதே வேளையில், 2023 ஆம் நிதியாண்டின் மொத்த வருவாய், முந்தைய ஆண்டின் 90171 கோடியில் இருந்து 121269 கோடியாக உயர்ந்துள்ளது.
