அமெரிக்க நீதிமன்றத்தில் அதானி குழுமத்தின் நிறுவனர் கௌதம் அதானி மற்றும் மற்ற அவரது 7 கூட்டாளிகள் மீது லஞ்சம் கொடுத்ததாக குற்றச்சாட்டு எழுந்ததைத் தொடர்ந்து, அதானி குழுமத்தின் முக்கிய முதலீட்டாளரான ஜிகியூஜி பார்ட்னர்ஸ் நிறுவனத்தின் பங்குகள் கடும் சரிவை சந்தித்துள்ளன. ஆஸ்திரேலியாவில் பட்டியலிடப்பட்ட GQG பார்ட்னர்ஸ் நிறுவனத்தின் பங்குகள் இன்று 13% சரிந்துள்ளன.
அதானி குழுமம் மீதான குற்றச்சாட்டை மறுத்துள்ள நிலையில், UBS நிதி நிறுவனம் GQG பார்ட்னர்ஸ் நிறுவனத்தின் மீதான தனது மதிப்பீட்டை குறைத்துள்ளது. UBS நிறுவனம், GQG பார்ட்னர்ஸ் நிறுவனம் இந்த சம்பவத்தால் சுமார் 390 மில்லியன் அமெரிக்க டாலர் மதிப்புள்ள நிதியை இழக்கக்கூடும் என்று மதிப்பிட்டுள்ளது. இந்த செய்தியைத் தொடர்ந்து GQG பார்ட்னர்ஸ் நிறுவனத்தின் பங்குகளின் விலை இலக்கு A$3.30 லிருந்து A$2.30 ஆகக் குறைக்கப்பட்டுள்ளது.
