உலக சுகாதார அமைப்பின் (WHO) சமீபத்திய ஆய்வில், கைப்பேசி பயன்பாடு மற்றும் மூளை புற்றுநோய் ஆகியவற்றுக்கு இடையே எந்தவித நேரடி தொடர்பும் இல்லை என்பது தெளிவாகத் தெரிய வந்துள்ளது. இந்த ஆய்வில் 1994 முதல் 2022 வரையிலான 63 ஆய்வுகள் பகுப்பாய்வு செய்யப்பட்டுள்ளன.
ஆய்வின் முக்கிய கண்டுபிடிப்புகள்: “கைப்பேசி பயன்பாடு கணிசமாக அதிகரித்திருந்தாலும், மூளை புற்றுநோய் விகிதத்தில் எந்த குறிப்பிடத்தக்க அதிகரிப்பும் காணப்படவில்லை. கைப்பேசி போன்ற இதர வகை சாதனங்களில் இருந்து வெளிப்படும் கதிரியக்க அதிர்வெண்களாலும் எந்தவித ஆபத்தும் நேரவில்லை. WHO மற்றும் பிற சுகாதார அமைப்புகளின் முந்தைய ஆய்வுகளும் கைப்பேசி கதிர்வீச்சிலிருந்து தீங்கு விளைவிக்கும் எந்த உறுதியான ஆதாரத்தையும் கண்டறியவில்லை.” இந்த ஆய்வின் முடிவுகள், கைப்பேசி பயன்பாடு நம்முடைய ஆரோக்கியத்திற்கு பெரிய அளவில் ஆபத்தை ஏற்படுத்தாது என்பதை உறுதிப்படுத்துகிறது. இருப்பினும், தொடர்ச்சியான ஆய்வுகள் மூலம் இந்தத் துறையில் மேலும் தெளிவு பெற முடியும் என்று கூறப்பட்டுள்ளது.
