சென்னை மெட்ரோ சொத்து மேலாண்மை நிறுவனம் வடபழனியில் மாபெரும் ஒருங்கிணைந்த திட்டத்துக்கு ஒப்பந்தம் கோரியுள்ளது. பயண வசதிக்கும், தொழில் வளர்ச்சிக்கும் இதுவொரு முக்கிய கட்டுமானம்.
சென்னையின் வடபழனியில் ரூ.800 கோடி செலவில் 6.65 ஏக்கரில் நவீன பேருந்து நிலையம் மற்றும் வணிக வளாகம் உருவாக்கப்படும் திட்டம் நிறைவேற உள்ளது. தரைத்தளத்தில் சுமார் 1,475 இருசக்கர வாகனங்கள் மற்றும் 214 நான்கு சக்கர வாகனங்கள் நிறுத்தும் வசதி கொண்ட, சிறந்த முறையில் கட்டமைக்கப்பட்ட பேருந்து நிலையம் உருவாகும். இதில் 10 தளங்கள் வரை கார்ப்பரேட் அலுவலகங்கள், ஓய்வறைகள் அமைக்கப்படும். மேலும், 11 மற்றும் 12வது தளங்களில் அனிமேஷன், கேமிங் போன்ற துறைகளுக்கான இடங்கள் ஒதுக்கப்பட்டுள்ளன. 5வது தளத்தில் உணவக வளாகம், மேல்தளத்தில் சோலார் பேனல்கள் அமைக்கப்படும். இது மாநகரம் மேம்பட ஒரு முக்கிய முயற்சி என பாராட்டப்படுகிறது.
