பிரதமர் மோடி மகாராஷ்டிரா மற்றும் ஜார்க்கண்ட் சட்டசபை தேர்தலுக்கான பிரசாரத்தில் ஈடுபட்டு உள்ளார்.
மகாராஷ்டிரா மாநிலத்தில் 20-ந்தேதி அனைத்து 288 சட்டசபை தொகுதிகளுக்கும் தேர்தல் நடைபெற உள்ளது. ஜார்க்கண்ட் மாநிலத்திலும், 13-ந்தேதி மற்றும் 20-ந்தேதி 2 கட்டமாக தேர்தல் நடக்கின்றது. இந்த இரண்டு மாநிலங்களிலும், பிரதமர் மோடி தீவிர பிரசாரத்தில் ஈடுபடுகிறார். கடந்த வாரம் அவர் ஜார்க்கண்ட் பிரசாரத்தை தொடங்கி, இன்று (வெள்ளிக்கிழமை) மகாராஷ்டிராவில் பிரசாரம் தொடங்க உள்ளார். மகாராஷ்டிராவில், அவர் 9 பொதுக்கூட்டங்களில் பங்கேற்கின்றார், 2 இடங்களில் ரோடு ஷோ நடத்தவுள்ளார். 12-ந்தேதி முதல், 2 நாட்கள் புனே மற்றும் சிமூர் நகரங்களில் பிரசாரம் செய்து, 14-ந்தேதி மும்பை, சம்பஜிநகர் மற்றும் ராய்காட் நகரங்களில் பொதுக்கூட்டங்களில் பங்கேற்க உள்ளார். மகாராஷ்டிரா மற்றும் ஜார்க்கண்ட் மாநிலங்களில் பிரசாரத்திற்கு பலத்த பாதுகாப்பு ஏற்பாடுகள் செய்யப்பட்டுள்ளது.
