பெண் பத்திரிக்கையாளர்களுக்கு எதிரான ஆன்லைன் வன்முறை, பத்திரிகை சுதந்திரத்திற்கு உலகளவில் அச்சுறுத்தலாக உள்ளது என்று உலகளாவிய அறிக்கை ஒன்று கண்டறிந்துள்ளது.
"தி சில்லிங்: பெண் பத்திரிகையாளர்களுக்கு எதிரான ஆன்லைன் வன்முறையின் உலகளாவிய போக்குகள்" என்ற அறிக்கையின் பின்னணியில் உள்ள ஆராய்ச்சியாளர்கள், 15 நாடுகளில் 1,000 பெண் பத்திரிகையாளர்களை பேட்டி கண்டனர். இதில் மரண அச்சுறுத்தல்கள் உட்பட உடல்ரீதியான வன்முறை அச்சுறுத்தல்கள் 25 சதவீதமும், பாலியல் வன்முறை 18 சதவீதமும் அடையாளம் காணப்பட்டுள்ளன. பெண் பத்திரிகையாளர்களில் கிட்டத்தட்ட முக்கால்வாசி பேர் தங்கள் பணியின் போது ஆன்லைன் வன்முறையை அனுபவித்தனர்.
இந்த ஆய்வில் பதிலளித்தவர்களில், 13 சதவீதம் பேர், குழந்தைகள் மற்றும் கைக்குழந்தைகள் உட்பட தங்களுக்கு நெருக்கமானவர்களுக்கு எதிரான வன்முறை அச்சுறுத்தல்களை விவரித்துள்ளனர். கணக்கெடுக்கப்பட்ட பெண் பத்திரிகையாளர்களில் கிட்டத்தட்ட பாதி பேர், தேவையற்ற தனியார் சமூக ஊடக செய்திகளால் துன்புறுத்தப்பட்டதாக தெரிவித்தனர்.
