2024 YR4 என்ற விண்கல் 2032 டிசம்பர் 22-ம் தேதி பூமியை தாக்கும் வாய்ப்பு 3.1% ஆக அதிகரித்துள்ளது, என NASA தெரிவித்துள்ளது. இது 1:32 என்ற பாதிப்பு வாய்ப்பு என கணிக்கப்படுகிறது.
இந்த விண்கல் 177 அடி (54 மீட்டர்) விட்டம் கொண்டது, இது ஒரு பெரிய கட்டடத்தின் அளவுக்கு உள்ளது. இதனால் மனிதக் குடியிருப்பை முழுவதுமாக அழிக்க முடியாது, ஆனால் ஒரு பெரிய நகரத்தை மாயமாக்கும் ஆற்றல் கொண்டதாக விஞ்ஞானிகள் எச்சரிக்கின்றனர்.
NASA-வின் கணிப்புகள்:
🔹 முந்தைய தாக்க வாய்ப்பு – 2.6%
🔹 தற்போது – 3.1%
🔹 96.9% வாய்ப்பில் பூமியைத் தவிர்க்கும்
🔹 0.3% வாய்ப்பில் நிலவைத் தாக்கும்
Planetary Society-ன் தலைமை விஞ்ஞானி Bruce Betts இதை பற்றி கூறுகையில், "கவலைப்பட தேவையில்லை. சாதாரணமாக, தரவுகளை அதிகம் திரட்டினால் தாக்க வாய்ப்பு 0% ஆக குறையும்" என்று தெரிவித்தார்.
இந்த விண்கல்லை முதன்முதலில் 2023 டிசம்பர் 27-ம் தேதி, செக்கோவின் El Sauce Observatory கண்டுபிடித்தது. அதன்பிறகு, சர்வதேச விண்கல் எச்சரிக்கை அமைப்பு (IAWN) தாக்கம் 1% தாண்டியவுடன் ஜனவரியில் அதிகரிக்கும் அபாயத்திற்கான எச்சரிக்கையை வெளியிட்டது.
இதற்கிடையில், "2024 YR4 விண்கல் பூமியை தாக்கும் பயங்கர வீடியோ" இணையத்தில் வெகுவாக பரவுகிறது. NASA மற்றும் விஞ்ஞானிகள் இதை அதிக கவனத்துடன் கண்காணித்து வருகிறார்கள்.
