12 ஆண்டுகளாக செவ்வாய் கிரகத்தை ஆராய்ந்து வரும் நாசாவின் கியூரியாசிட்டி ரோவர், சமீபத்தில் அங்கு பல அதிசயங்களை கண்டுபிடித்துள்ளது. 2014 முதல் ஏயோலிஸ் மோன்ஸ் என்ற மலையை ஏறி வந்த கியூரியாசிட்டி, கடந்த ஆண்டு பழங்கால ஆற்றுப் படுகையான கெடிஸ் வாலிஸை அடைந்தது. இந்தப் பகுதியில் எடுக்கப்பட்ட 360 டிகிரி புகைப்படங்கள் உலகையே வியப்பில் ஆழ்த்தியுள்ளன. குறிப்பாக, அங்கு கண்டெடுக்கப்பட்ட வெள்ளை நிற கற்களில் உள்ள மஞ்சள் கந்தக படிகங்கள் விஞ்ஞானிகளை ஆச்சரியப்படுத்தியுள்ளன. செவ்வாய் கிரகத்தில் கந்தகம் எவ்வாறு உருவானது என்பது இன்னும் ஒரு புரியாத புதிராக உள்ளது.
கியூரியாசிட்டி தற்போது "தி பாக்ஸ்வொர்க்" என்ற புதிய பகுதியை ஆராயத் தொடங்கியுள்ளது. இங்கு கடந்த காலத்தில் உப்பு நீர் இருந்ததற்கான சான்றுகள் கிடைத்துள்ளன. கியூரியாசிட்டி சேகரிக்கும் தரவுகளை ஆய்வு செய்வதன் மூலம், செவ்வாய் கிரகத்தின் வரலாறு மற்றும் அங்கு உயிர் இருந்ததற்கான சாத்தியக்கூறுகள் குறித்து மேலும் தெளிவான பதில்களை விஞ்ஞானிகள் எதிர்பார்க்கின்றனர்.
