நாடு முழுவதும் நேற்று நீட் தேர்வு நடைபெற்றது.
நாடு முழுவதும் மருத்துவம் மற்றும் இயற்கை மருத்துவக் கல்விக்கான தேசிய தகுதி மற்றும் நுழைவுத் தேர்வு (நீட்) நேற்று நடைபெற்றது. எம்.பி.பி.எஸ்., பி.டி.எஸ்., சித்தா, ஆயுர்வேதம், யுனானி, ஓமியோபதி மற்றும் கால்நடை மருத்துவப் படிப்புகளில் சேர மாணவர்கள் பெறும் மதிப்பெண்கள் முக்கியமானவை. இதேபோல், ராணுவ நர்சிங் கல்லூரிகளில் பி.எஸ்.சி. நர்சிங் படிப்பில் சேரவும் நீட் தேர்வு கட்டாயமாக்கப்பட்டுள்ளது. இந்த தேர்வை ஒவ்வொரு ஆண்டும் தேசிய தேர்வுகள் முகமை (என்.டி.ஏ.) ஒருங்கிணைத்துப் நடத்துகிறது.
2025-26 கல்வியாண்டுக்கான நீட் தேர்வு நேற்று பிற்பகல் 2 மணி முதல் 5.20 மணி வரை நடைபெற்றது. நாடு முழுவதும் சுமார் 22 லட்சம் பேர் இந்த தேர்வில் பங்கேற்றனர். தமிழ்நாட்டில் 31 மாவட்டங்களில் தேர்வு நடைபெற்றது. இதில் சுமார் ஒரு லட்சத்து ஐம்பது ஆயிரம் பேர் எழுதினர். சென்னையில் மட்டும் 44 தேர்வு மையங்களில் 21,960 மாணவர்கள் பங்கேற்றனர். மொத்தம் 720 மதிப்பெண்களுக்கு நடைபெறும் இந்த தேர்வு தமிழ், இந்தி, ஆங்கிலம் உள்ளிட்ட 13 மொழிகளில் நடத்தப்பட்டது.
