NCERT வெளியிட்ட 8ஆம் வகுப்பு வரலாற்று புத்தகத்தில் முகலாயர்கள் குறித்து கடுமையான விமர்சனங்கள் இடம்பெற்றுள்ளன. இது கல்வி வட்டாரத்தில் விவாதத்தை கிளப்பியுள்ளது.
புதிய பாடப்புத்தகத்தில் பாபர், அக்பர், ஔரங்கசீப் ஆகியோர் வெகுஜன கொலைகாரர்களாகவும் கோயில்களை அழித்தவர்களாகவும் விவரிக்கப்படுகின்றனர். மதுரா, சோம்நாத், பனாரஸ் போன்ற இடங்களில் கோயில்கள் மற்றும் கல்வி நிறுவனங்களை அழித்ததாகவும் குறிப்பிடப்பட்டுள்ளது. இது தேசிய கல்விக் கொள்கையின் அடிப்படையில் உள்ள திருத்தமான பாடத்திட்டத்தின் ஒரு பகுதியாகும். எதிர்வினைகளை தணிக்க, 'கடந்த நிகழ்வுகளை கொண்டு இன்று யாரையும் குறை சொல்லக் கூடாது' என்ற எச்சரிக்கை நூலில் இடம்பெற்றுள்ளது. முந்தைய பதிப்பில் இருந்த முகலாய மற்றும் டெல்லி சுல்தான்கள் பற்றிய தகவல்கள் நீக்கப்பட்டுள்ளன. அதற்குப் பதிலாக அரசின் சமீபத்திய திட்டங்கள் சேர்க்கப்பட்டுள்ளன.
