தஞ்சை–விக்கிரவாண்டி சாலையில் புதிய சுங்கச்சாவடி கட்டப்பட்டு கட்டணம் வசூல் செய்ய அரசு அறிவிப்பு வெளியிட்டுள்ளது. பயணிகளுக்கான கட்டண விவரங்களும் சேர்த்து வெளியீடு செய்யப்பட்டுள்ளது.
தஞ்சை–விக்கிரவாண்டி தேசிய நெடுஞ்சாலையில் சேத்தியாத்தோப்பு–சோழபுரம் இடையே மானம்பாடியில் புதிய சுங்கச்சாவடி அமைக்கப்பட்டுள்ளது. இது ஜூன் 12ஆம் தேதி முதல் செயல்படவுள்ளது. கார்கள் மற்றும் வேன்களுக்கு ஒருமுறை ரூ.105, இருமுறை ரூ.160 என நிர்ணயம் செய்யப்பட்டுள்ளது. சிறிய வணிக வாகனங்களுக்கு ரூ.170 மற்றும் ரூ.255, தனியார் பேருந்து மற்றும் லாரிக்கு ரூ.360, கனரக வாகனங்களுக்கு ரூ.560 வரை கட்டணம் வைக்கப்பட்டுள்ளது. புதிய கட்டண விவரங்கள் பயண திட்டத்தில் மாற்றம் செய்ய வழிவகுக்கின்றன.
