தெற்கு ரெயில்வே அறிவிப்பின் படி, தாம்பரத்தில் இருந்து இயக்கப்பட்டு வந்த சில ரெயில்கள் இன்று முதல் எழும்பூரில் இருந்து இயக்கப்படுவதால் பயணிகள் வசதி மேம்படுத்தப்பட்டுள்ளது.
மதுரைக்குச் செல்லும் தேஜஸ் எக்ஸ்பிரஸ் (22671) இன்று முதல் தாம்பரத்திற்கு பதிலாக சென்னை எழும்பூரில் இருந்து புறப்படும். அதேபோல், மதுரையில் இருந்து திரும்பும் தேஜஸ் எக்ஸ்பிரஸ் (22672) இனி எழும்பூர் நிலையம் வரையிலான சேவையாக இயங்கும். மேலும், புதுச்சேரிக்குச் செல்லும் பயணிகள் ரெயிலும் எழும்பூரில் இருந்து இயக்கப்படும் என அறிவிக்கப்பட்டுள்ளது. புதுச்சேரியில் இருந்து வரும் ரெயில் இனி தாம்பரம் செல்லாமல் எழும்பூர் நிலையம் சென்றடையும். இந்த மாற்றம் பயணிகள் சிரமமின்றி பயணிக்க உதவும் வகையில் நடைமுறைப்படுத்தப்பட்டுள்ளது.
