பதஞ்சலி ஃபுட்ஸ் நிறுவனத்தின் 2023 ஆம் நிதி ஆண்டு நிதிநிலை அறிக்கை வெளியிடப்பட்டுள்ளது. அதன்படி, கடந்த 2023 ஆம் நிதி ஆண்டில், நிறுவனத்தின் வரிக்கு முன்னான லாபம் 9.7% உயர்ந்து, 1178.96 கோடியாக பதிவு செய்யப்பட்டுள்ளது. அதே வேளையில், நிறுவனத்தின் மொத்த வருவாய் 24284.38 கோடியில் இருந்து, 31821.45 கோடியாக உயர்ந்துள்ளது. குறிப்பாக, எஃப் எம் சி ஜி பிரிவில் 6218.08 கோடி ரூபாய் மதிப்பில் வருவாய் ஈட்டப்பட்டுள்ளது. இதுவே, கடந்த 2022 ஆம் நிதியாண்டில், 1683.24 கோடி அளவில் மட்டுமே வருவாய் பதிவு செய்யப்பட்டு இருந்தது குறிப்பிடத்தக்கது. எனவே, 6.25% ஆக இருந்த எஃப் எம் சி ஜி வருவாய் வளர்ச்சி 19.72% ஆக உயர்ந்துள்ளது.
பதஞ்சலி நிறுவனத்தின் சமையல் எண்ணெய் வணிகம் 21% உயர்வை பதிவு செய்துள்ளது. 2023 ஆம் தேதி ஆண்டில் 1.91 மில்லியன் மெட்ரிக் டன் சமையல் எண்ணெய் உற்பத்தி செய்யப்பட்டு, 25634.45 கோடி ரூபாய் வருவாய் ஈட்டப்பட்டுள்ளது. பதஞ்சலி நிறுவனம் மிகப்பெரிய லாபத்தை பதிவு செய்துள்ளதால், நிறுவனத்தின் பொது பங்கு ஒன்றுக்கு 6 ரூபாய் ஈவுத்தொகை வழங்க பரிந்துரை செய்யப்பட்டுள்ளது.
