டெல்லியில் இருந்து தனி விமானத்தில் கசானுக்கு சென்ற பிரதமர் மோடிக்கு ரஷிய மந்திரிகள் மற்றும் உயர் அதிகாரிகள் அவருக்கு வரவேற்பு அளித்தனர்.
பிரிக்ஸ் கூட்டமைப்பில் பிரேசில், ரஷியா, இந்தியா, தென்னாப்பிரிக்கா, சீனா, ஈரான், சவூதி அரேபியா, எத்தியோப்பியா, எகிப்து, மற்றும் ஐக்கிய அரபு அமீரகம் உறுப்பினர்களாக உள்ளன. கூட்டமைப்பின் 16-ஆவது உச்சி மாநாடு ரஷியாவின் கசான் நகரில் இன்று மற்றும் நாளை நடைபெறுகிறது. இதில், பிரதமர் மோடி, சீன அதிபர் ஷி ஜின்பிங், ஈரானின் அதிபர் மசூத் ரஜாவி உள்ளிட்ட உறுப்பினர் நாடுகளின் தலைவர்கள் கலந்து கொள்கிறார்கள். அப்போது சர்வதேச அரசியல், பிரிக்ஸ் கூட்டமைப்பின் ஒத்துழைப்பு மற்றும் மேம்பாடு, மற்றும் பரஸ்பர பிரச்சினைகள் குறித்து விவாதிக்கப்படும்.
இந்நிலையில், பிரதமர் மோடி டெல்லியில் இருந்து தனி விமானத்தில் கசானுக்கு சென்றபோது, அங்கு ரஷிய மந்திரிகள் மற்றும் உயர் அதிகாரிகள் அவருக்கு வரவேற்பு அளித்தனர். விமான நிலையத்தில், இந்திய வம்சாவளியினருடன் அவர் கலந்துரையாடினார்.
