பிரியங்கா காந்தி வயநாடு இடைத்தேர்தலில் வெற்றி

பிரியங்கா காந்தி வயநாடு இடைத்தேர்தலில் அபார வெற்றி பெற்றார்.

கேரளாவின் வயநாடு தொகுதியில் நடைபெற்ற இடைத்தேர்தலில் காங்கிரஸ் பொதுச்செயலாளர் பிரியங்கா காந்தி பெரும் வெற்றியைப் பெற்றுள்ளார். முதன்முதலில் தேர்தலுக்கு போட்டியிட்ட அவர், 4,10,931 வாக்கு வித்தியாசத்தில் வெற்றி பெற்றார்.
பாராளுமன்ற இடைத்தேர்தலில் பிரியங்கா காந்தி 6,22,338 வாக்குகளை பெற்று முதல் இடத்தை பிடித்துள்ளார். இந்திய கம்யூனிஸ்ட் கட்சி சார்பில் போட்டியிட்ட சத்யன் மோகேரி 2,11,407 வாக்குகளை பெற்று இரண்டாம் இடத்தில் முடித்தார். பா.ஜ.க. வேட்பாளர் நவ்யா ஹரிதாஸ் டெபாசிட் இழந்துள்ளார்.