விரைவில் நடைபெற உள்ள இந்திய பாராளுமன்ற மக்களவைத் தேர்தலுக்காக இறுதி வாக்காளர் பட்டியலை தலைமை தேர்தல் அதிகாரி வெளியிட்டுள்ளார்.
இந்திய பாராளுமன்ற மக்களவைத் தேர்தல் நடைபெற இருக்கும் நிலையில் தமிழ்நாட்டில் பாராளுமன்ற தேர்தலுக்கான இறுதி வாக்காளர் பட்டியல் வெளியிடப்பட்டுள்ளது. அதன்படி தமிழகத்தில் 6 கோடியே 18 லட்சத்து 90,348 வாக்காளர்கள் உள்ளனர். இவற்றில் 3.14 கோடி பெண் வாக்காளர்கள், 3.03 கோடி ஆண் வாக்காளர்கள், 8294 பேர் மூன்றாம் பாலினத்தவர்கள் ஆவார். இதில் முதல் தலைமுறை வாக்காளர்கள் 5 லட்சத்து 26 ஆயிரத்து 265 பேர் ஆவார்கள். புதிதாக 13 லட்சம் பேர் வாக்காளர் பட்டியலில் இணைக்கப்பட்டுள்ளனர். அதன்படி இன்று முதல் வாக்காளர் பட்டியலில் பெயர் சேர்க்கலாம் எனவும் தெரிவிக்கப்பட்டுள்ளது.
