ரிலையன்ஸ் இண்டஸ்ட்ரீஸ் நிறுவனம், சுகாதாரத் துறையில் தனது முதலீட்டை அதிகரிக்கும் விதமாக, புற்றுநோய் சிகிச்சையில் ஈடுபட்டுள்ள கார்கினோஸ் ஹெல்த்கேர் நிறுவனத்தை கைப்பற்றியுள்ளது. இந்த ஒப்பந்தத்தின் மதிப்பு ரூ.375 கோடி. இந்த கையகப்படுத்துதலை ரிலையன்ஸ் இண்டஸ்ட்ரீஸின் துணை நிறுவனமான ரிலையன்ஸ் ஸ்ட்ராடஜிக் பிசினஸ் வென்ச்சர்ஸ் மேற்கொண்டுள்ளது.
கார்கினோஸ் ஹெல்த்கேர் நிறுவனம், புற்றுநோயை ஆரம்ப நிலையிலேயே கண்டறிந்து சிகிச்சை அளிப்பதில் கவனம் செலுத்தி வருகிறது. இந்த நிறுவனம் 2020 ஆம் ஆண்டு தொடங்கப்பட்டது. இதற்கு முன்னர் டாடா சன்ஸ் நிறுவனத்தின் எவார்ட் இன்வெஸ்ட்மெண்ட்ஸ் மற்றும் மயோ கிளினிக் ஆகிய நிறுவனங்கள் இதில் முதலீடு செய்திருந்தன. ரிலையன்ஸ் இண்டஸ்ட்ரீஸ் நிறுவனம் இந்த கையகப்படுத்துதலின் மூலம் இந்தியாவில் புற்றுநோய் சிகிச்சை துறையில் புதிய சாதனைகளை படைக்க முயற்சிக்கும் என எதிர்பார்க்கப்படுகிறது.
