இந்திய கிரிக்கெட் அணியின் கேப்டன் ரோஹித் சர்மா புதிய சாதனை படைத்துள்ளார். சாம்பியன்ஸ் டிராபியில் வங்கதேசத்துக்கு எதிரான போட்டியில், முஸ்தாபிசுர் பந்துவீச்சில் பவுண்டரி அடித்த போது, ஒருநாள் போட்டிகளில் 11,000 ரன்கள் எட்டிய இரண்டாவது அதிவேக வீரரானார். ரோஹித் 261 இன்னிங்ஸில் இந்த மைல்கல்லை எட்டினார், விராட் கோலி (222 இன்னிங்ஸ்) முதல் இடத்தில் நீடிக்கிறார். சச்சின் டெண்டுல்கர் 276 இன்னிங்ஸில் இதை சாதித்திருந்தார்.
ஒருநாள் போட்டிகளில் அதிவேகமாக 11,000 ரன்கள் எடுத்தவர்களில் ரிக்கி பாண்டிங் (286), சௌரவ் கங்குலி (288), ஜாக் காலிஸ் (293) ஆகியோரையும் ரோஹித் முந்தினார். இந்த சாதனையால், இந்திய அணியின் வெற்றி பயணத்துக்கு புதிய உற்சாகம் கூட்டியுள்ளார்.
