டாலருக்கு எதிரான இந்திய ரூபாயின் மதிப்பு வரலாற்று குறைவான பதிவை மீண்டும் பதிவு செய்துள்ளது. இதன் மூலம், பங்குச் சந்தையில் எதிர்மறை விவாதங்கள் மீண்டும் எழுந்துள்ளன.
நேற்றைய வர்த்தக நேர இறுதியில், இந்திய ரூபாயின் மதிப்பு 83.1475 ஆக இருந்தது. இது வரலாற்று குறைவான மதிப்பாகும். மேலும், கடந்த 10 மாதங்களில் பதிவான மிக குறைவான மதிப்பாகும். இந்த நிலையில், இந்திய ரூபாயின் சரிவு இன்னும் சில நாட்களுக்கு தொடரலாம் என பொருளாதார நிபுணர்கள் கருத்து தெரிவித்துள்ளனர். ஜூலை மாத சில்லறை பணவீக்கம் கடுமையாக உயர்ந்தது மற்றும் டாலருக்கு எதிரான இந்திய ரூபாய் மதிப்பு சரிவு ஆகியவற்றின் காரணமாக, இந்தியர்கள் மேலும் அதிகம் செலவு செய்ய வேண்டிய நிலை ஏற்பட்டுள்ளது. இதனால், நடுத்தர இந்திய குடும்பங்களின் சேமிப்பு மற்றும் செலவு திட்டங்களில் குறிப்பிடத்தக்க மாற்றங்கள் நிகழலாம் என கூறப்படுகிறது.
