ரஷிய எரிவாயு குழாயில் கசிவு ஏற்பட்டடு, பயங்கர வெடிப்பு ஏற்பட்டது. இந்த விபத்தில் 3 பேர் பலியாகினர்.
உக்ரைனின் எல்லையையொட்டி அமைந்துள்ள ரஷியாவின் சுட்ஜா நகர் வழியாக 1980-களில் கட்டப்பட்ட குழாய் ஒன்று ஐரோப்பிய நாடுகளுக்கு எரிவாயு கொண்டு செல்கிறது. இந்த எரிவாயு குழாய் உக்ரைனுக்குள் நுழைந்து செல்கிறது. இந்த நிலையில் நேற்று முதினம் ரஷியாவின் சுவாஷியா பிராந்தியத்தில் இருக்கும் எரிவாயு குழாயில் பழுது பார்க்கும் பணிகள் நடைபெற்று கொண்டிருந்தன. அப்போது சற்றும் எதிர்பாராத விதமாக எரிவாயு குழாயில் கசிவு ஏற்பட்டடு, பயங்கர வெடிப்பு நேரிட்டது. இந்த விபத்தில் எரிவாயு குழாயை பழுது பார்க்கும் பணியில் ஈடுபட்டிருந்த தொழிலாளர்கள் 3 பேர் சம்பவ இடத்திலேயே உடல் கருகி பலியாகினர். மேலும் ஒருவர் படுகாயம் அடைந்தார். இந்த விபத்தால் ஐரோப்பிய நாடுகளுக்கான எரிவாயு ஏற்றுமதி இடைநிறுத்தப்பட்டுள்ளதாக அதிகாரிகள் தெரிவித்தனர்.
