சவுதி அரேபியாவின் எண்ணெய் நிறுவனமான அராம்கோவின் 4% பங்குகளை சனபில் என்ற பொது முதலீட்டு நிறுவனத்திற்கு மாற்ற உள்ளதாக தெரிவிக்கப்பட்டுள்ளது. சவுதி அரேபியாவின் பட்டத்து இளவரசர் முகமது பின் சல்மான், நேற்று இந்த அறிவிப்பை வெளியிட்டார். மேலும், எண்ணெய் துறையை மட்டுமே சார்ந்து அல்லாது, நாட்டின் பொருளாதாரத்தை பிற துறைகளில் விரிவுபடுத்தும் முயற்சியாக இது இருக்கும் என தெரிவித்துள்ளார். மேலும், அராம்கோ நிறுவனத்தின் லாபம் பொது மக்களுக்கு பயனுள்ளதாக மாற்றப்படும் எனவும் கூறியுள்ளார்.
தற்போதைய நிலையில், அராம்கோ நிறுவனத்தின் 90% பங்குகள் சவுதி அரேபியா அரசாங்கத்திடம் உள்ளது குறிப்பிடத்தக்கது. கடந்த 2022 பிப்ரவரியில், 4% பங்குகள் மாற்றப்பட்ட நிலையில், தற்போது கூடுதலாக 4% பங்குகள் மாற்றப்படுவதாக அறிவிக்கப்பட்டுள்ளது. இந்த தகவலை அராம்கோ நிறுவனமும் உறுதி செய்துள்ளது.
