தமிழ்நாடு மாநில தரவரிசை டென்பின் பவுலிங் போட்டியில் ஷபீர் தன்கோட் பட்டம் வென்றார்.
தமிழ்நாடு மாநில தரவரிசை டென்பின் பவுலிங் போட்டி சென்னை, துரைப்பாக்கத்தில் உள்ள 'லெட்ஸ் பவுல்' டென்பின் பவுலிங் விளையாட்டு மையத்தில் நடைபெற்றது. இந்தத் தொடரின் டாப் 3 அடிப்படையில் நடைபெற்ற இறுதிப் போட்டியில், ஷபீர் தன்கோட் மற்றும் விஷ்ணு எம் மோதினர். முதல் இரண்டு போட்டிகளில், இருவரும் தலா ஒரு வெற்றியுடன் சமநிலையில் இருந்தனர். ஆனால், மூன்றாவது போட்டியில், ஷபீர் தன்கோட், விஷ்ணுவை 5 பின்கள் என்ற குறுகிய வித்தியாசத்தில் (180-175) வீழ்த்தி சாம்பியன் கோப்பையை வென்றார்.
மேலும், 6 விளையாட்டுகளின் பிளாக்கில் அதிகபட்ச சராசரி (201.1) பெற்ற மஹிபால் சிங் மற்றும் 225-க்கு மேல் ஸ்கோர் எட்டிய ஷபீர் தன்கோட் ஆகியோருக்கு சிறப்பு பரிசுகள் வழங்கப்பட்டன.
