தொடர்ந்து 3வது நாளாக இந்திய பங்குச் சந்தை ஏற்றம் பெற்றுள்ளது. அத்துடன், வரலாற்று உச்சத்தை பதிவு செய்துள்ளது. இன்றைய வர்த்தக நேர முடிவில், மும்பை பங்குச் சந்தையின் சென்செக்ஸ் குறியீட்டு எண் 363.2 புள்ளிகள் உயர்ந்து 74014.5 புள்ளிகளில் நிலை பெற்றுள்ளது. தேசிய பங்குச் சந்தையின் நிஃப்டி குறியீட்டு எண் 135.1 புள்ளிகள் உயர்ந்து 22462 புள்ளிகளில் நிறைவடைந்துள்ளது.
இன்றைய வர்த்தகத்தில், ஜே எஸ் டபிள்யூ ஸ்டீல், டாடா ஸ்டீல், டேவிஸ் லேப்ஸ், ஸ்ரீராம் பைனான்ஸ், அதானி போர்ட்ஸ், அல்ட்ராடெக் சிமெண்ட், எல் அண்ட் டி, எச்டிஎப்சி வங்கி, ஐசிஐசிஐ வங்கி, பாரத ஸ்டேட் வங்கி, பவர் கிரிட், பஜாஜ் பைனான்ஸ் ஆகிய நிறுவனங்கள் ஏற்றமடைந்துள்ளன. அதே சமயத்தில், ஈச்சர் மோட்டார்ஸ், டைட்டன், நெஸ்லே, பஜாஜ் ஆட்டோ, எல் டி ஐ மைண்ட் ட்ரீ, ஏர்டெல், ஹீரோ மோட்டோகார்ப், ஐடிசி, டாடா மோட்டார்ஸ், இன்போசிஸ் போன்ற நிறுவனங்கள் சரிவடைந்துள்ளன.
