திருப்பதி செல்லும் சில ரெயில்கள் ரத்து

சென்னை, புதுச்சேரி, ராமேஸ்வரம் பகுதிகளில் இருந்து திருப்பதி செல்லும் ரயில்கள் பராமரிப்பு பணி காரணமாக ரத்து செய்யப்பட்டுள்ளது.

சென்னை சென்ட்ரலில் இருந்து திருப்பதிக்கு காலை 9.50 மணி மற்றும் மாலை 4.35 மணிக்கு செல்லும் ரயில்கள் (எண்கள்06727,16203), மறுமார்கமாக திருப்பதியிலுருந்து சென்னை சென்ட்ரலுக்கு பிற்பகலில் 1.35 மணி மற்றும் காலை 6.25 மணிக்கு செல்லும் ரயில்கள் (எண்கள்06728,16204) இன்று முதல் ஆகஸ்ட் 10 ம் தேதி வரை முழுவதுமாக ரத்து செய்யப்பட்டுள்ளது. மேலும் இந்த தேதிகளில் அரக்கோணம் திருப்பதி இடையே இயக்கப்படும் பயணிகள் ரயிலும்(எண்கள்06753,06754) முழுவதுமாக ரத்து செய்யப்படுகிறது.

திருப்பதி - புதுச்சேரி விரைவு ரயில்கள் (எண்கள்16111/16112) இன்று முதல் ஆகஸ்ட் 11ம் தேதி வரை ரேணிகுண்டாவுடன் நிறுத்தப்படும் மீண்டும் ரேணிகுண்டாவிலிருந்து புறப்பட்டு புதுச்சேரி சென்றடையும். சென்னை சென்ட்ரல்- திருப்பதி விரைவு ரயில்கள்(எண்கள்16057/16058 மற்றும் 16054/16053)இன்று முதல் ஆகஸ்ட் 10ஆம் தேதி வரை ரேணிகுண்டாவுடன் நிறுத்தப்படும் பின்னர் ரேணிகுண்டாவில் இருந்து புறப்பட்டு சென்னை சென்ட்ரல் வந்தடையும்.

விழுப்புரம் -  திருப்பதி இடையே இயக்கப்படும் விரைவு ரயில்கள் (எண்கள்16854/16853 ) இன்று முதல் ஆகஸ்ட் 10ஆம் தேதி வரை காட்பாடியுடன் நிறுத்தப்படும். பின்னர் காட்பாடியில் இருந்து புறப்பட்டு விழுப்புரம் சென்றடையும். ராமேஸ்வரம் - திருப்பதி இடையே வாரம் மூன்று முறை இயக்கப்படும் விரைவு ரயில் (எண்கள்16780/16779) )ஜூலை 13 முதல் ஆகஸ்ட் 10ஆம் தேதி வரை பாகாலாவுடன் நிறுத்தப்படும் பின்னர் பாகாலாவிலிருந்து புறப்பட்டு ராமேஸ்வரம் சென்றடையும்.
காக்கிகூடா மதுரை இடையே இயக்கப்படும் வாராந்திர விரைவு ரயில் (எண்கள்07191/07192) இன்று முதல்  ஆகஸ்ட் 9ம் தேதி வரை திருப்பதி, சித்தூர் வழியாக செல்வதற்கு பதிலாக மேலபாக்கம் வழியாக இயக்கப்படும்.