தெற்கு ரெயில்வே அறிவிப்பு – ரயில்கள் செல்லும் நேரங்களில் முக்கிய மாற்றங்கள் செய்யப்பட்டுள்ளன.
தெற்கு ரெயில்வே வெளியிட்டுள்ள புதிய அறிவிப்பில், நெல்லை, கோவை, ராமேஸ்வரம், சென்னை உள்ளிட்ட பகுதிகளில் இருந்து இயக்கப்படும் பல விரைவு ரெயில்களின் புறப்பாட்டு நேரம் மற்றும் சேவைகளில் மாற்றங்கள் செய்யப்பட்டுள்ளன. பராமரிப்பு பணிகள் காரணமாக சில ரெயில்கள் பகுதி ரத்து செய்யப்பட்டுள்ளன. முக்கியமாக ராமேஸ்வரம்-மானாமதுரை இடையே வண்டிகள் ரத்து செய்யப்படுகின்றன. சென்னை சென்ட்ரலிலிருந்து புறப்படும் பினாகினி ரெயிலுக்கு 20 நிமிட தாமதம் ஏற்படுகிறது. ராமேஸ்வரம்-செகந்திராபாத் சிறப்பு ரெயில் 19 மணி நேர தாமதத்துடன் புறப்படும் என தெரிவிக்கப்பட்டுள்ளது. எனவே பயண திட்டமிடல்களில் மாற்றம் செய்யுமாறு பயணிகளுக்கு ஆலோசனை வழங்கப்பட்டுள்ளது.
