அமெரிக்க ராணுவத்தின் X 37B விண்வெளி விமானம் தனது ஏழாவது பயணத்தில் புதிய முயற்சிகளை மேற்கொள்ள உள்ளது. கடந்த டிசம்பர் மாதம் ஸ்பேஸ் எக்ஸ் பால்கன் ராக்கெட் மூலம் விண்ணில் ஏவப்பட்ட இந்த விண்கலம், பூமியை நீள்வட்ட பாதையில் சுற்றி வந்துள்ளது. தற்போது, இந்த விண்கலம் ஏரோ பிரேக்கிங் எனப்படும் புதிய தொழில்நுட்பத்தை முதன் முறையாக பயன்படுத்த உள்ளது. இதன் மூலம், பூமியின் வளிமண்டலத்தை தொட்டு, அதன் சுற்றுப்பாதையை குறைந்த எரிபொருள் செலவில் குறைக்க முடியும். இது விண்கலத்தின் எரிபொருள் சிக்கனத்தை அதிகரித்து, அதன் பணி நேரத்தை நீட்டிக்கும். மேலும், விண்கலத்தில் இருந்து பயனற்ற பாகங்களைத் தள்ளிவிட்டு, விண்வெளி குப்பைகளின் அளவைக் குறைக்கவும் இந்த தொழில்நுட்பம் உதவும்.
அமெரிக்க விண்வெளிப் படையின் தலைவர் ஜெனரல் சான்ஸ் சால்ட்ஸ்மேன், இந்த ஏரோபிரேக்கிங் தொழில்நுட்பத்தை பாராட்டியுள்ளார். இந்த தொழில்நுட்பத்தின் மூலம், விண்வெளி ஆராய்ச்சியில் புதிய வாய்ப்புகள் கிடைக்கும் என எதிர்பார்க்கப்படுகிறது. தற்போது, X-37B விண்கலம் பல்வேறு சோதனைகளை மேற்கொண்டு வருகிறது. இந்த சோதனைகள் முடிந்ததும், விண்கலம் பூமியை நோக்கித் திரும்பும்.
