கடந்த 2019 ஆம் ஆண்டு முதல் சர்வதேச விண்வெளி நிலையத்தின் (ISS) ரஷ்யப் பிரிவில் ஏற்பட்டு வரும் காற்று கசிவு பிரச்சனை நாசா மற்றும் ரஷ்ய விண்வெளி நிறுவனமான ரோஸ்கோஸ்மோஸ் ஆகியவற்றை கவலையடையச் செய்துள்ளது. கடந்த ஏப்ரல் மாதம், Zvezda தொகுதியில் ஒரு நாளைக்கு 1.7 கிலோகிராம் வரை காற்று கசிவு அதிகரித்து, நிலையத்தின் பாதுகாப்புக்கு பெரும் அச்சுறுத்தலாக மாறியது. இந்த கசிவை சரிசெய்யும் பொருட்டு, இரு நாடுகளும் இணைந்து பல முயற்சிகளை மேற்கொண்டு வருகின்றன. சமீபத்தில் மேற்கொள்ளப்பட்ட பழுதுபார்ப்பு பணிகளின் மூலம் காற்று கசிவை மூன்றில் ஒரு பங்காகக் குறைக்க முடிந்திருந்தாலும், கசிவுக்கு என்ன காரணம் என்பது இன்னும் தெளிவாகத் தெரியவில்லை.
தற்போது, பாதிக்கப்பட்ட பகுதியில் உள்ள ஹட்ச்சை பயன்பாட்டில் இல்லாத போது மூடி வைப்பதன் மூலம் கசிவை கட்டுப்படுத்தும் முயற்சி மேற்கொள்ளப்பட்டு வருகிறது. ஆனால், நீண்ட கால தீர்வாக ஹட்ச்சை முழுவதுமாக மூடிவிட வேண்டிய நிலை ஏற்பட்டால், நிலையத்தில் மற்ற விண்கலங்கள் இணைவது பாதிக்கப்படும். இதோடு, உதிரி பாகங்கள் கிடைப்பது, விண்வெளி வீரர்களை நிலையத்திற்கு அனுப்பி வைப்பது, சுற்றுப்பாதையில் உள்ள குப்பைகளின் அபாயம் போன்ற பல சவால்களையும் இந்த பிரச்சனை எதிர்கொள்ள வைத்துள்ளது.
